....síðust áratugi.  Það er ávallt bætt inn einhverjum "tækninýjungum" sem eiga að auðvelda lífið og kosta "ekki neitt".  Spurning hvenær þetta verður réttlætt með setningunni "Kostnaður sem fylgir auðkenniskortinu er ekki nema um 30 krónur á dag".

Persónulega finnst mér óeðlilegt að ekki sé í boði önnur aðferð í sammþykktaferlinu en einhver vara sem einkafyrirtæki er að selja.  En að mínu mati er þetta sambærilegt við það sem er að gerast í hinum hraðfleyga útsendingaheimi sjónvarps þar sem þú þarft að gerast áskrifandi hjá einkafyrirtæki til að eiga möguleyka á að sjá útsendingar RÚV sem þú nota bene greiðir einnig skatt fyrir.

En enginn segir neitt.  Menn opna "rafræna" veskið og borga sáttir.

	Rafræn skilríki nauðsynleg í leiðréttingu
Ábyrgðarmaður færslu Tilkynna um óviðeigandi tengingu við frétt

Smella á skjá, virðist ekki spila beint á bloggi.

	Kyssast í gegnum netið
Ábyrgðarmaður færslu Tilkynna um óviðeigandi tengingu við frétt

...varðandi bætur og smáaletrið.

Hef litla sögu af þeim þar sem aðili mér tengt lenti í því að myndavélataska, með Canon myndavél og linsum, "hvarf" innan komusals í Leifstöð.  Komst aðilinn ekki að því fyrr en farangri var tæmt var úr bifreið eftir heimkomu sem nota-bene var í tæplega 10 mínútna akstri frá flugstöð.  Síðasta minning af tösku var að hún var sett á handfang töskukerru í komusal. Var farangri rétt hent inná heimili og brunað til baka til að athuga hvort taskan væri enn óhreyfð eftir viðskil eða fjarlægð af öryggisvörðum.

 Hvorki tangur né tetur fannst af töskunni né innihaldi hennar af starfsmönnum í Leifstöð þrátt fyrir (að sögn)mikla skoðun og leit.

Hægt væri að byggja upp athyglisverðar umræður um hversu gott "eftirlitið" er í raun innan flugstöðvar því þrátt fyrir myndavélakerfi og upptökur því tengt sást ekkert sem gat leyst úr þeirri ráðgátu um hvað varð um töskuna þó eftir því væri leitað í nokkra sólarhringa eftir atburð.

 Aðilinn var tryggður gegnum bæði kort og sér tryggingu varðandi farangur þar sem sérstaklega var tilgreint myndavélar eða önnur tæki.  Til að byrja með var tilkynnt um þetta tap til þeirra aðila sem taskan var tryggð hjá.  Svar barst og óskað eftir útlistun á þeim hlutum sem voru í tösku ásamt því að tilkynna til lögreglu hvarfið sem var gert jafnóðum og samviskulega.  Leið og beið en ekkert heyrðist frá tryggingunum.  Þegar leitað var til þeirra varðandi stöðu mála þá kom bomban.

"Þú varst ekki lengur í ferðalagi þegar taskan tapaðist, þú varst komin til Íslands, og því ekki lengur undir skilmálum ferðatryggingar. Þess vegna færðu þetta ekki bætt"

"Óóóókey....en hérna...ég er með heimilistryggingu.  Bætir hún ekki svona tjón ?"

"Undir venjulegum aðstæðum já...en því miður nær hún eingöngu yfir tjón sem verður innanlands...þú varst tæknilega ekki komin til landsins fyrst þú varst enn í komusalnum þegar tapaðir töskunni"

Þannig að séð frá tryggingunum þá er til tómarúm á Íslandi þar sem fólk er algerlega undir eigin ábyrgð...aðspurðir þá hafa þeir ekki neina sérstaka tryggingu fyrir þetta umrædda svæði þar sem þú ert  hvorki staddur eður ei á landinu.

Þetta að ofan er einföld útgáfa af atvikum tengt máli, hafði tekið um 2 mánuði frá hvarfi tösku, en það endaði með uppgjöf hjá fyrrverandi eiganda tösku enda hafði farið tími og fyrirhöfn í málið.  Sá aðilinn ekki framá lausn án lögfræðiaðstoðar og fannst fyrirhöfnin né mögulegur kostnaður því tengt þess verður að standa í frekari pústrum vegna þessa.  Sem var líklegast það sem tryggingafélagið vonaðist eftir.

Þess má geta í lokin að undan þrýstingi færsluritara þá sagði aðilinn þó upp tryggingasamningi við tiltekna félagið og færði til annars...án hinna ýmsu tryggingarpakka sem líta vel út í bæklingum en væri í raun hægt að kalla féflettingu svo ekki sé tekið harðar til orða.

	Hefði hugsanlega fengið bætur
Ábyrgðarmaður færslu Tilkynna um óviðeigandi tengingu við frétt

Ér búinn að vera í langri pásu af bloggi en fann mig verða að segja mitt í þetta sinn.

Þegar talað er um verð á olíu þá hef ég heyrt áður talað um verð á tunnu, sem í sjálfu sér er ekki einkennilegt sem slíkt og hef heyrt þá orðun ansi lengi og hjá öðrum þjóðum. Tunna tekur ákveðið magn í gallon sem er mælieining sem notuð er í nokkrum löndum fyrir vökva.  Auðvelt að umfæra.  En við greiðum samkvæmt lítra.  Eyðsla bíls er reiknuð samkvæmt lítra.  Hvað hefur heimsmarkaðsverð bensíns hækkað per lítra ?

En nú er komin viðbót á flækjuna og ekki hef ég heyrt eftirfarandi notað áður sem afsökun (rök ?) fyrir hækkun. Að "tonnið" hafi hækkað ! Tonnið ?!? Síðan hvenær hefur þyngd, og hvað þá svona mikil, verið notuð sem viðmið á hækkun á vökva? Er það kannski til að talan hljóði það sláandi há ? Hækkun um 44 dollara lítur betur út en mun lægri tala.

Það er auðvitað hægt að finna út hver hækkunin hefur verið úr þyngd í vökva með reikniaðferðum, nota eðlisþyngd olíu margfaldað með jari-jari-jar. Er ekki reikni-mæstró og skil þann hluta eftir til þess betri gerða menn.

En einhvern veginn finnst mér eins og þarna sé verið að flækja málin til að réttlæta hækkanir og þarna notað aðrar einingar til þess.

Og nú er svo komið að stjórnvöld eru orðin það háð tekjum sem skapast af skattheimtu eldsneytis að áhuginn fyrir nokkurs konar inngripi minnkar með hverri hækkun.

	Segir full rök fyrir hækkun
Ábyrgðarmaður færslu Tilkynna um óviðeigandi tengingu við frétt

Menn hafa haft á orði undanfarin ár þvílíkt bruðl liggi í flugeldasýningum, hvort sem eru á viðburðum eins og getið er í frétt eða í einkasýningum sem eru tengdar áramótum.

"Taka bara 5 þúsund kallinn og brenna'nn"

En í þessu gleymist styrkurinn sem "bruðlinu" fylgir og fellur í flestum tilfellum í vasa björgunarsveita hér og þar um landið.  Ég gef mér að fólk viti í hvað sá peningur er notaður.

Ef dregið er úr framlögum eða þeim alfarið hætt þá hlýtur það að hafa áhrif á rekstur björgunarsveitanna til hins verra.

Ég er persónulega tvístíga í þessu máli en horfi þá á þetta útfrá því, að ef hætt yrði við viðkomandi sýningar, þá fái björgunarsveitirnar styrk í öðru formi.

Þó kemur það á vogarskálarnar að þarna fá fleiri eitthvað útúr styrknum og einnig að fátt er skemmtilegra en að sjá börn á öllum aldri horfa forviða á sjónarspilið með ánægjusvip.

Þetta er nú einn af fáu skemmtilegu hlutunum sem eftir eru til að njóta "frítt" á þessum síðustu og verstu.

	Fjármögnun flugeldasýninga á Menningar- og Ljósanótt
Ábyrgðarmaður færslu Tilkynna um óviðeigandi tengingu við frétt