Er þetta það sem lá mest á ?

Best að byrja á því að ég er ekki að koma að þessum málaflokki þar sem hann getur verið nokkuð eldfimur ef maður setur hluti ekki rétt fram eða orðar vitlaust.

Það sem ég set spurningu við er að komið er fram með hin og þessi mál hjá sitjandi ríkisstjórn sem koma fjarhagsvandamálum heimilanna og málum tengt bankahruninu ekkert við.  Þó var það yfirlýst hjá þessari "reddinga-stjórn" að það væri það eina sem væri á oddinum en önnur mál gætu beðið þeirrar stjórnar sem sæti eftir kosningar, nema væru mál sem tengd væru samningum og samþykktum sem þegar voru á borðinu og ekki var hægt að bíða með ákvarðanir þeirra.

Þetta kannski veiðir einhver atkvæði.

 

Kaup á vændi verði refsivert

Athugasemdir

[Axel (IP-tala skráð) 17.3.2009 kl. 16:15]

Akkúrat nú er markaðssetningin á fullu!

[Ási P (IP-tala skráð) 17.3.2009 kl. 16:35]

Heldur Fólk virkilega að þetta hafi einhver áhrif?. Neðanjarðarstarfsemi tekur við. Og erfiðara verður að fylgast með þessum konum, sem koma hingað til lands í leit að peningum. Það er svo líka spurning, hvort þetta mál mætti ekki bíða nýrrar rikisstjórnar. Að mínu mati eru önnur mál sem ættu að hafa forgang, t.d heimilin og fyrirtækin í landinu.

[Ignito, 17.3.2009 kl. 17:22]

Sammála, og tengt þessum lögum þá er ég sérstaklega sammála eftirfarandi:

[Quote Axel]

"Neðanjarðarstarfsemi tekur við."

Og ef maður heldur áfram að tengja við þennan málaflokk, mun þá lögreglan að fá meiri fjármuni í að sinna þessu ?

[Ignito, 17.3.2009 kl. 17:25]

Arrrg, Ási átti það að vera...*dæs...maður er greinilega ekki í sambandi á þessari mínútu

[Kári (IP-tala skráð) 17.3.2009 kl. 17:47]

Hafið þið veitt því athygli að það eru eingöngu karlmenn sem finna þessum lagagjörningi allt til foráttu? Pælið aðeins í því. Og þú, Ignító: hví skyldu þingmenn ekki geta sett önnur lög en þau sem snúast beint að efnahagsvandanum?

[Ignito, 17.3.2009 kl. 19:26]

Sæll Kári.

Kannski vegna þess að  þessi stjórn stökk til og var gerð með minnihlutastuðningi til þess eins að gera það sem fyrri ríkistjórn virtist ekki gera.  Búsáhaldabyltingin o.s.fr. var ekki til þess gerð að þeir sem komust til valda kæmu einhverjum gælumálum að.

Þar er ég að tala almennt, ekki um þetta tiltekna mál.  Ef umræðan á að snúast um þetta mál þá get ég alveg gert eins og annar gerði í bloggi við þessa frétt.  Komið því að að mannsal er ekki vændi né endilega tengt kynlífsofbeldi.  Hvað þá eingöngu kvenmönnum.  En það er langt mál að ræða hér og nú.

þar fyrir utan sé ég ekki hvers vegna lá meira á þessu heldur en einhverju sem tengist þeim fjölskyldum sem eru að missa allt sitt.

Grátlegt að verða vitni að en er engu að síður alls ekki hissa þegar kemur að misvitrum stjórnmálamönnum.

Talandi um að eingöngu karlmenn finni þessu allt til foráttu.  Eingöngu og allt.  Ég hef séð kvenmenn og karlmenn rita gegn þessu.  Myndi lesa fleiri færslur tengt þessu máli áður en fara fullyrða svona.

[Eiríkur (IP-tala skráð) 17.3.2009 kl. 20:13]

Þetta er náttúrulega algjörlega út í hött! Hvernig í ósköpunum getur vændi verið flokkað sem glæpur í fyrsta lagi? Þetta er einfaldlega þjónusta sem ein manneskja veitir annarri fyrir ákveðna peningaupphæð, eina ástæðan fyrir því að þetta er eitthvað mál í fyrsta lagi er út af því þetta er hluti af "kynlífsiðnaðinum" hræðilega. Það eina hræðilega sem ég sé við þetta er hvað margir eru glaðir að ríkið leggur eignarhald á líkama fólks og ákveður fyrir það hvað það má og má ekki gera með líkama sinn.

[Jón (IP-tala skráð) 17.3.2009 kl. 21:11]

Aumingja Íslenska þjóðin!
Búin að reka af sér ríkisstjórn braskara og bankaræningja.
Í staðinn fær hún ríkisstjórn "Talibana feminista" og jafnréttisfasista.
Nú verður bráðum farið að höggva hendur og fætur af fólki sem, ekki getur fylgt kreddum vinstri grænu Talibanapáfanna.
Fram með potta og pönnur.
Burt með þetta skítapakk!

[Villi Asgeirsson, 19.3.2009 kl. 08:52]

Sammála færsluhöfundi. Þetta er ekki það mál sem lá á að klára fyrir kosningar. Þetta mun gera það að verkum að vændi verður neðanjarðarstarfsemi, meira en í dag. Svo finnst mér að ef einstaklingur vill selja sig, á hann að geta það. Það verður þá að vera á hreinu að það sé frjáls vilji.

Það að leyfa sölu en banna kaup er bjánalegt. Annað hvort bönnum við þetta og eflum lögguna svo að kynlífsmafíur fari ekki að eitra út frá sér, eða við gefur þetta frjálst.