Þegar tveir deila.....

....hefur þá aðeins einn rétt fyrir sér ?

Ég viðurkenni að hafa ekki sett mig inní þetta mál þegar það hófst.  En ég hef þó undanfarið aðeins lagt á mig að skoða það frá ýmsum hliðum.

Ég geri mér grein fyrir, ég hef nú fleiri en eina heilafrumu, að sá rekstrarhalli sem á embættið hefur bæst er vel skiljanlegur.  Aukin glæpatíðni á Suðurnesjum og í framhaldi sú vinna sem lögð var fram í að vinna á henni kostaði örugglega dágóðann skilding.

Það er því erfitt að sjá að það sé vegna kostnaðarauka sem þessi nýjasta útfærsla ríkisins og þá Björns er, með því að aðskilja embættin, því ef ég þekki stofnanir ríkisins rétt þá þarf við hvert nýtt embætti nýjan yfirmann, undirmann ásamt starfsfólki umhverfis stjórnendur.  Aukning mannforða hefur hingað til ekki verið til sparnaðar, í það minnsta samkvæmt mínum útreikningi.  Sem er reyndar ekki til að hrópa húrra fyrir ef teknar eru einkannir úr skóla.

Það er frá mér séð alveg greinilegt að Björn Bjarnarson er að framkvæma þessar breytingar að eigin geðþótta, reyndar hans hlutverk sem ráðherra að gera breytingar þar sem þess er þörf innan hans ráðuneyti, en þessi nýjasta ákvörðun ER hans útspil til að losa sig við Jóhann.

Eftirfarandi setning segir allt sem segja þarf um Björn og hans aðkomu í þessu máli, og ekki annað að sjá en að sé nett skot á Jóhann:

Þá missti lögreglustjórinn spón úr aski sínum, þegar embætti sýslumannsins á Keflavíkurflugvelli var aflagt og hann lækkaði í launum.

Óbeint er Björn að segja að Jóhann sé enn í fýlu vegna eigin launamissis sem átti sér stað við sameiningu embættanna 2007 og sé að einhverju leiti ástæða uppsagnar hans núna.  Í það minnsta skil ég þessa setningu þannig.

En það er víst hægt að lesa ýmislegt úr orðum og setningum.  Í það minnsta er það að sjá á svörum og mótsvörum í þessu máli öllu.  Þannig að það er hugsanlegt að þegar tveir deila þá hafa báðir rétt fyrir sér.

En ég verð samt að segja að frá mínum bæjardyrum séð þá kemst Jóhann með mun meiri reisn frá þessu máli öllu.  Í það minnsta hingað til.

e.s.

Vill samt hrósa Birni fyrir að halda úti bloggi um sín störf.

Jóhann er toppmaður

Athugasemdir

[Oddgeir Einarsson, 25.9.2008 kl. 21:12]

"Ég geri mér grein fyrir, ég hef nú fleiri en eina heilafrumu, að sá rekstrarhalli sem á embættið hefur bæst er vel skiljanlegur.  Aukin glæpatíðni á Suðurnesjum og í framhaldi sú vinna sem lögð var fram í að vinna á henni kostaði örugglega dágóðann skilding."

Þar sem þú hefur svona margar heilafrumur þá ætti þér að vera ljóst að það er hvorki ákvörðun lögreglustjóra né ráðherra að bregðast við aukinni glæpatíðni með auknum fjárútlátum. Lögum samkvæmt ákveður Alþingi slíkt. Það eru eflaust verkefni í öllum ríkisstofnunum sem viðkomandi yfirmanni þykja bráðnauðsynleg. Það að leggja meiri peninga til að sinna þeim er hins vegar pólitísk ákvörðun sem löggjafinn tekur.

[Ignito, 26.9.2008 kl. 06:58]

Það kemur fram í þessu máli, þó ég minnist ekkert sérstaklega á það, að um 83% kostnaðarins er mannauður sem þá þýðir ákvörðun lögreglustjóra um heimildir til yfirvinnu og aukavaktir.  Einnig kemur fram að þessi upphæð sem embættið hefur farið framúr fjárveitingum hefur fylgt því frá stofnun og ráðuneyti ásamt ráðherra hafa haft vitneskju um það frá upphafi.

[Oddgeir Einarsson, 27.9.2008 kl. 16:09]

Framúrkeyrsla er framúrkeyrsla alveg sama í hvað paningarnir fara. Það eru jafn litlar heimildir til að eyða umfram efni í mannauð eins og brauðristar.

Varðandi mannauðinn þá má spyrja sig hvort þátttaka lögreglunnar á Suðurnesjum í Kompásþætti (þar sem einhverjum unglingi sem var að rukka 50þús kall var ögrað þar til hann aðspurður sagðist myndu berja viðkomandi ef hann borgaði ekki og síðan þusti fjöldi lögreglumanna úr launsátri og hentu drengnum í jörðina) hafi verið bráðnauðsynleg aðgerð miðað við hinn mikla kostnað sem fór í að hafa marga lögreglumenn í umsátri seint um kvöld.