Hentistefna

Til að byrja með, þá skal ég fúslega viðurkenna að hafa kosið annan af þeim flokkum sem sitja við stjórnvöllinn.  En ástæða þess var í engu tengd aðildarviðræðum ESB heldur var það tengt fjármálum og atvinnuuppbyggingu.  Tel ég að stór hluti þeirra sem kusu þessa tilteknu flokka hafi haft sömu hluti sem fremstan í sinni ákvörðunartöku.

Það er því mjög pirrandi að lesa og heyra hina ýmsu þingmenn gera mér skoðanir og ástæður af mínu vali. 

Persónulega hef ég ekki gert upp hug minn varðandi ESB en var á árum áður frekar hlynntur.  Ástæða þess var að ég var komin með nóg af íslenskum stjórnmálamönnum og treysti mun frekar evrópskum skriffinnum heldur en eiginhagsmunapoti og sjálfumgleði fyrrnefndu.

 Vigdís Hauksdóttir og hennar skoðanabræður/systur eru farin að hjálpa ansi mikið til að þessi gamla skoðun mín sé að fá endurlífgun.

ESB-stefnan var kosin burtu

Athugasemdir

[Hrólfur Þ Hraundal, 24.2.2014 kl. 22:16]

Já Já, auðvita ert þú bara gamall kommi sem gerðir mistöl og þarft ekkert að barma þér útaf því, það gera nefnilega allir mistök á einhverjum tíma.

En hafir þú ekki skilið það en þá Ignito, þá er líklega borin von að þú skiljir það héðan af, að við síðustu alþingis kosningar valdi landinn annað fólk til að stjórna og líka til að losna við þetta eilífa Evrópu þvaður. 

Steingrímur J. S  lagði ríka áherslu á að hér hafi orðið hrun og taldi sig þar með stikkfrí frá því að gera vitrænar aðgerðir til að koma atvinnulífinu í gang.  Það tekur því tíma eftir fimmára frost að reisa við atvinnulíf úr spýtna rusli Steingríms og Jóhönnu.     

 

[Ignito, 25.2.2014 kl. 09:41]

Sæll Hrólfur

Takk fyrir viðlitið og athugasemdina sem virðist þó byggja á einhverjum misskilningi.

Til að byrja með þá hef ég ávallt verið hægrisinnaður þ.a. fyrsta athugasemd fellur um sjálfa sig.

Það sem ég er að gagnrýna í mínum pistli er að verið sé að herma á mig, hafandi kosið annan flokkinn, þá hafi ég hafnað ESB. Það er ansi langt frá sannleikanum enda var ég nokkuð ánægður með það að þeir 2 aðilar sem eru í forystu þessara tveggja flokka skildu hamra á því fyrir kosningar að þjóðin ætti að velja hvort hætta skuli viðræðum eður ei.

Þjóðin er tvískipt í þessu máli. Er ekki gott að útkljá þetta þannig að menn geti gengið uppréttir frá borði í stað yfirgangs?